अखबार नेपाल ट्रेन्डिङ

काठमाडौं: नेकपा एमालेभित्र देखिएको विवाद समाधानका लागि गठित कार्यदलको बैठक सकारात्मक रुपले अघि बढेको छ ।

पार्टीभित्र देखिएको विवाद समाधानका लागि दोस्रो तहका नेताहरु आज सिंहदरबारमा छलफलमा जुटेका थिए ।

अब, कार्यदलमा रहेका नेताहरूले अध्यक्ष केपी शर्मा ओली र वरिष्ठ नेता माधवकुमार नेपाललाई भेटेर सहमतिलाई अन्तिम रुप दिने तयारी गरेका छन् ।

बिहीबार बिहान ११ बजेका लागि बोलाइएको बैठक नै अन्तिम बैठक बनाउने उनीहरूको तयारी छ ।

मंगलबार बसेको कार्यदल बैठकले पार्टी एकीकरणको मस्यौदा तयार पार्ने नेताहरुले बताएका थिए ।

प्रधानमन्त्री ओलीले प्रतिनिधिसभा विघटन गरेपछि फरक फरक गतिविधि गर्दै आएका एमालेका दुई समूहलाई मिलाउन दोस्रो तहका नेताहरु सक्रिय भएर लागेका छन् ।