अखबार नेपाल ट्रेन्डिङ

काठमाडौं: महात्तरीको भंगहा नगरपालिका-८ धर्मपुरका सातजना बालिका र किशोरी सम्पर्कविहीन भएका छन् ।

मंगलबार दिउँसो करिब १ बजेतिर घाँस काट्न निस्किएका उनीहरू सम्पर्क विहीन भएका हुन् ।

सम्पर्क विहीन हुनेमा ११ वर्षीया अर्चना पासवान, १२ वर्षीया सीमा पासवान, १२ वर्षीया रञ्जन पासवान, १३ वर्षीया ज्योति पासवान, १३ वर्षीया रीया पासवान, १७ वर्षीया नगीना पासवान र २० वर्षीया अस्मिता पासवान रहेको जिल्ला प्रहरी कार्यालय महोत्तरीले जानकारी दिएको छ ।

सम्पर्कविहीन बालिका र किशोरीको रातिदेखि नै खोजी कार्य सुरु गरिएको जिल्ला प्रहरी कार्यालय महोत्तरीले जनाएको छ ।

उनीहरु समूहमै घाँस काट्न घर नजिकैको चौरमा दिउँसो गएको र साँझसम्म घर नफर्किदा खोजबिन सुरु गरेको भंगहा नगरपालिकाका मेयर संजिव साहले बताए ।

साँझ ढिलासम्म घर नफर्किएपछि स्थानीय त्रसित भएका छन् ।

वायुमण्डल स्थिर रहने भएकाले तत्काल सुधार नहुने, सावधानी अपनाउन जल तथा मौसम विभाग आग्रह