अखबार नेपाल ट्रेन्डिङ

काठमाडौं: थ्री नेसन्स कप अन्तराष्ट्रिय फुटबलको पहिलो खेलमा नेपाल किर्गिस्तानसँग बराबरीमा रोकिएको छ ।

त्रिपुरेश्वरस्थित दशरथ रंगशालामा भएको खेलमा नेपाल १० खेलाडीमा सिमित किर्गिस्तानको यू-२३ टिमसँग गोलरहित बराबरीमा रोकिएको हो ।

खेलको चौंथो मिनेटमा तेज तामाङ फ्रिकिकमा अन्जन विष्टको फ्रि हेडर पोस्ट नजिकैबाट बाहिरिएको थियो ।

खेलको दशौँ मिनेटमा त्रिदेभ गुरुङको कर्नरमा अनन्त तामाङको हेड बल समेत पोस्ट नजिकबाट बाहिरिदा नेपालले अग्रता बनाउन चुकेको थियो ।

खेलको १४औं मिनेटमा अन्जन विष्टको क्रस पोस्टमा लाग्दै फर्किदा नेपाल पुन अग्रता बनाउन चुकेको थियो ।

खेलको ३३औं मिनेटमा रबी पासवानको पासमा अन्जनले पेनाल्टी क्षेत्रको ठिक बाहिरबाट प्रहार गरेको बलले पोस्टको दिशा लिन सकेन ।

खेलको दोस्रो हाफको सुरुवातमा किर्गिस्तानले नेपालविरुद्ध केहि आक्रमण गर्यो ।

५२औं मिनेटमा बोरुबेभ गुल्जितको फ्रिकिक पोस्टको केहि माथिबाट गएको थियो ।

खेलको ६३ औं मिनेटमा रञ्‍जितको फ्रिकिकमा अन्जनको हेड बल पोस्ट नजिकबाट बाहिरिएको थियो ।

खेलको ६७ औं मिनेटमा कप्तान टासिभ कामोलिदीन दोहोरो पहेलो कार्डसहित रातो कार्ड पाएर मैदानबाट बाहिरिदा किर्गिस्तान १० खेलाडीमा समेटिएको थियो ।

खेलको ७९औं मिनेटमा अनन्त तामाङको ओभर हेड किक किर्गिस्तानका गोलकिपरले सहजै बचाए ।

यस बराबरीसँगै नेपालले फाइनल पुग्ने सम्भावना कायम राखेको छ ।

किर्गिस्तानको समेत फाइनल पुग्ने सम्भावना रहेको छ ।

यस खेलको नतिजाले बंगलादेश भने फाइनल पुगेको छ ।

नेपालले १ खेलमा १ अंक जोडेको छ ।

किर्गिस्तानले २ खेलमा १ अंक जोडेको छ ।

बंगलादेशको १ खेलमा ३ अंक रहेको छ ।

उद्घाटन खेलमा किर्गिस्तान बंगलादेशसँग १-० ले पराजित भएको थियो ।

अब नेपालले दोस्रो खेलमा बंगलादेशसँग खेल्नेछ ।

नेपाल र बंगलादेशबीचको खेल शनिबार हुनेछ ।

सुर्तीजन्य पदार्थ लगायतका सामानहरूको राजश्व छलि गरी कारोबार गर्ने दुई जना दुई पक्राउ
दोस्रो लहरको कोरोना भाइरस संक्रमण बढ्दै गएको भन्दै शैक्षिक संस्थामा थप सतर्कता अपनाउन शिक्षा मन्त्रालयको आग्रह