काठमाडौं:  एनआईसी एशिया लघुवित्त र स्वदेशी लघुवित्तको एकिकृत कारोबार शुरु भएको छ । एनआईसी एशियाका अध्यक्ष कपिल ढकाल र स्वदेशी लघुवित्तका अध्यक्ष लालमणी जोशीले संयुक्त रुपमा एकिकृत कारोबारको शुभारम्भ गर्नु भएको हो ।

अब एनआईसी एशिया लघुवित्त वित्तीय संस्था लिमिटेड​को नामबाट एकीकृत कारोबार हुने छ । मर्जरपछि संस्थाको पुँजी १ अर्ब ७३ करोड ९४ लाख ४० लाख पुगेको छ । इटहरी उपमहानगरपालिका वडा नं ९, सुनसरीमा कम्पनीको केन्द्रिय कार्यालय रहने संस्थाले जनाएको छ ।

दुवै कम्पनीको माघ ४ गते सम्पन्न भएको विशेष साधारण सभाले मर्जर सम्बन्धी प्रस्ताव पारित गरेका थिए । कम्पनी रजिष्ट्रार कार्यालयले फागुन २३ गते स्वीकृती प्रदान गरेको थियो ।

त्यस्तै, मर्जर पश्चात संस्थाको पुँजी १ अर्ब ७३ करोड ९४ लाख ४० लाख पुग्नेछ भने संस्थाको कर्जा लगानी १५ अर्ब भन्दा माथि पुग्नेछ । मर्जर पश्चात कुल शाखा संख्या २२३ पुगेको छ ।

यो पनि पढ्नुहोस् :

सिटिजन्स बैंकका ग्राहकलाई त्रिसरा रेस्टुरेन्टमा विशेष छुट