युवा स्टार केलियन एमबाप्पेले सहकर्मी नेयमारको प्रशंसा
वि.सं.२०७७ माघ २३ शुक्रवार ०८:२१
1.7K
shares
एजेन्सी: पेरिस सेन्ट जर्मेन (पिएसजी)का युवा स्टार केलियन एमबाप्पेले सहकर्मी स्टार नेयमारको बारेमा खुलेर तारिफ गरेका छन् ।
एमबाप्पले पिएसजीको योजनाको मुख्य खेलाडी नेयमार नै भएको पनि प्रष्ट पारेका छन् ।
पिएसजीमा आबद्ध भएयता मैदान भित्र र बाहिर नेयमार र एमबाप्पेबीच हार्दिकतापूर्ण सम्बन्ध रहँदै आएको छ ।
सन् २०१७ मा नेयमार र एमबाप्पे पिएसजीमा आबद्ध भएका थिए ।
उत्कृष्ट खेलाडी बन्न एक अर्कासँग समन्वय गरेर खेल्नुपर्छ ।
हाम्रो हकमा पनि त्यहि लागु हुन्छ,’ नेयमारको बारेमा एमबाप्पेले भनेका छन्, ‘म जति बेला क्लबमा आबद्ध भए त्यसयता आफ्नो भूमिकामा स्पष्ट छु ।
नेयमार क्लबको योजनाको केन्द्र भागमा छन् र म उनलाई सहयोग गर्न यहाँ छु ।’
नेयमार कीर्तिमानी रकम २ सय २२ मिलियन युरोमा बार्सिलोनाबाट पिएसजीमा आबद्ध भएका थिए ।
पिएसजी पुगे देखि नै नेयमारले सहकर्मी बीचमा राम्रो छाप छाडेका छन् ।
‘नेयमारलाई कसरी राम्रो गर्ने भन्ने थाहा छ । उनी विश्वका उत्कृष्ट हुन् ।
पेरिस आएबाट नै उनलाई आफूले सबै गर्न सक्ने महसुस गरेका थिए,’ एमबाप्पले थपे, ‘उनी सामान्य खेलाडी होइनन् । गोलरहित
बराबरीबाट टोलीलाई कसरी जितसम्म अघि बढाउने पनि उनलाई थाहा छ ।’
सबैका बारेमा आफूले भन्न नसके पनि नेयमारले भने सबै विषयलाई बुझ्ने एमबाप्पेको अनुभव छ ।
‘उनी तत्काल कसरी अघि बढ्ने भन्नेमा जान्दछन्’,।
इमान्दार भएर भन्नुपर्दा उनले सुरुवातमा मलाई जसरी साथ दिए त्यसलाई भुल्ने छैन ।
‘जब १८ वर्षको खेलाडी ठूलो ड्रेसिङ रुपमा पुग्छ उसका लागि त्यहाँ सहज पक्कै हुँदैन,’ एमबाप्पेले भने, ‘यो साच्चै उत्कृष्ट टोली हो ।
६० प्रतिशत सफलता खेलाडीको खेलमा निर्भर हुन्छ ।
बाँकी ४० प्रतिशत टोलीमा कसरी समन्वय हुन्छ त्यसमा भर पर्दछ ।
उनले मलाई निकै सघाएका छन्, म त्यो कहिल्लै भुल्ने छैन ।’
यो पनि पढ्नु होस्
वि.सं.२०७७ माघ २३ शुक्रवार ०८:२१
वि.सं.२०८३ असार १२ शुक्रवार ०९:३३
काठमाडौं । जारी फिफा विश्वकप २०२६ को रोमाञ्चक र कडा...
वि.सं.२०८३ असार १२ शुक्रवार ०९:०९
काठमाडौं: जारी फिफा विश्वकप अन्तर्गत समूह 'ई' को आफ्नो अन्तिम...
वि.सं.२०८३ असार ११ बिहीवार १७:०७
काठमाडौं: अमेरिका, मेक्सीको र क्यानडामा जारी फिफा विश्वकप फाइनलसम्मको यात्रा...
वि.सं.२०८३ असार ११ बिहीवार १६:४०
काठमाडौं: अखिल नेपाल फुटबल संघ (एन्फा) विश्व फुटबल महासंघ (फिफा)...
वि.सं.२०८३ असार ३ बुधवार ११:४२
काठमाडौं: अर्जेन्टिनाका सुपरस्टार लिओनल मेसीले मंगलबार अल्जेरियाविरुद्धको खेलमा आफ्नो पहिलो...
वि.सं.२०८३ जेठ ३१ आइतवार ११:२५
काठमाडौं: पाँच पटकको विश्वविजेता ब्राजिल फिफा विश्वकप २०२६ को आफ्नो...
