अखबार नेपाल ट्रेन्डिङ

काठमाडौं : बार्सिलोनाका कप्तान लिओनल मेस्सीले जारी सिजनको अन्त्यसम्म अन्य कुनै पनि क्लबमा कुरा नगर्ने बताएका छन् । क्याटलान क्लबसँग मेसीको सम्झौता २०२०र२१ को सिजनको अन्त्यमा सकिँदैछ ।

मेस्सीले बार्सिलोना आफ्नो जीवन रहेको र उत्कृष्ट तरिकाले क्लब छाड् चाहेको समेत बताएका छन् ।बार्सिलोनामा सम्झौता सकिएपछि मेस्सी कता जान्छन् वा त्यहीँ बस्छन् भन्ने अहिले सर्वाधिक चासोको विषय बनेको छ ।

मेस्सीको स्तातरणतरणको कुनै सम्भावनाको बारेमा थाहा पाउनस कम्तीमा सिजनको अन्त्यसम्म कुर्नुपर्नेछ । यो वर्षको अन्त्यसम्म मसँग केही कुरा स्पष्ट छैन । म सिजनको अन्त्यको लागि कुर्नेछु,’ मेस्सीले ला सेक्टासँगको अन्तरवार्तामा भनेका छन् , ‘महत्वपूर्ण कुरा भनेको टिमको बारेमा सोच्नु, वर्ष समाप्त गर्नु, ट्रफी जितन प्रयास गर्नु हो र अन्य चीजहरूबाट अलमलिनु हुँदैन ।’

मेस्सीले पछि के हुन्छ थाहा नभएको बताए । ‘मलाई के हुँदैछ थाहा छैन, म हामीसँग के छ त्यसमा केन्द्रित गर्दैछु, र अबको ६ महिनामा के गर्न सकिन्छ भन्नेमा केन्द्रित छ । म वर्ष कसरी अन्त्य हुन्छ भनेर सोच्दिन किनकी अहिले यो कुरा भन्नु मेरो लागि राम्रो हुने छैन किनकी मलाई थाहा छैन,’ मेसीले भने, ‘मलाई थाहा छैन यदी म छोड्ने छु कि छाड्दिन भने । यदि मैले छाडे भने म उत्तम तरिकाले छोड्न चाहान्छु ।’

मेसीले क्लब छाडेपछि आफू फेरि फर्कन चाहने बताए । ‘सँधै काल्पनिक कुरा गर्दा, म केही समयपछि क्लबमा फर्कन चाहन्छु । म बार्लोना शहरमा फर्किन चाहन्छु, क्लबमा काम गर्न, योगदान दिन चाहन्छु,’ मेसीले भने, ‘बार्सिलोना कुनै पनि खेलाडीभन्दा ठूलो छ, निश्चयन नै मभन्दा पनि माथि छ । र मलाई आशा छ कि जो अध्यक्ष आउँछ उसले महत्वपूर्ण उपाधि फेरि जित्न हामीलाई सहयोग गर्छन् ।’

मेस्सीले ला सेक्टासँगको अन्तर्वार्तामा क्लबको भविष्यदेखि महामारी प्रशिक्षक यस सिजन बार्सिलोनाको संघर्षलगायत बारेमा कुरा गरेका छन् ।मेस्सी बार्सिलोना आफ्नो जीवन रहेको समेत बताएका छन् । ‘बार्सिलोना मेरो जीवन हो ।

बार्सा र बार्सिलोनालाई म माया गर्छु । मैले सधैँ यस क्लबका लागि सबै दिन्छु,’ मेसीले भने, ‘मैले यो सर्टको लागि सबै कुरा महसुस गरेँ। बार्सिलोना मेरो जीवन हो। म क्लब र सहर दुवैमा हुर्केको थिएँ । मैले यहाँ सबै कुरा सिकेँ। क्लबले मलाई सबै कुरा दियो, मलाई एक फुटबलरको रूपमा र एक व्यक्तिगत रूपमा प्रशिक्षण दियो । बार्सा यो सहरसंग मेरो प्रेम सम्बन्ध छ ।’

यो पनि पढ्नु होस्

https://www.akhabarnepal.com/%e0%a4%b8%e0%a5%8d%e0%a4%95%e0%a4%9f%e0%a4%b2%e0%a5%8d%e0%a4%af%e0%a4%be%e0%a4%a3%e0%a5%8d%e0%a4%a1%e0%a4%95%e0%a4%be-%e0%a4%95%e0%a5%8b%e0%a4%9f%e0%a5%8d%e0%a4%9c%e0%a4%b0-%e0%a4%ac%e0%a4%a8%e0%a5%87/