अखबार नेपाल ट्रेन्डिङ

रौतहट : पहिलो संविधानसभा निर्वाचनको अघिल्लो दिन २०६४ चैत २७ गते राती राजपुर नगरपालीका ४ (साबिक राजपुर गाबिस ४ ) मा बम विष्फोट भयो । उक्त बम काण्डका मुख्य नाइके नेपाली कांग्रेसका सांसद एवम् पूर्वमन्त्री अफ्ताव आलम यतिखेर जेलमा हावा खाइरहेको छन् ।

सोही काण्डका अर्का फरार प्रतिवादी आलमकै सहोदर भाई महताब आलमलाई प्रहरीले पक्राउ गरेको छ । उनलाई भारतको सितामढि जिल्लाको मोतिहारीबाट पक्राउ परेको स्रोतले जनाएको छ ।

भारतीय प्रहरीको सहयोगमा रौतहट प्रहरीले फरार प्रतिबादी आलम लाई पक्राउ गरेको हो । आलमको घरमा बम बिस्फोट हुदा घाईते यमुनामाई गाउपालीका ४ (साबिक सरुअठा ४ ) का पिन्टु भनिने त्रिलोकप्रसाद सिंह र ओसि अख्तरलाई जीउदै ईट्टा भट्टामा जलाएर हत्या गरेको आरोप उनी माथि छ ।

उक्त घटनामा मुख्य आरोपमा पूर्वमन्त्री एवम काग्रेस नेता आफताब पूर्पक्षको लागी गएको कात्तिक २९ गते देखी जेल चलान भएका हुन । पुर्बमन्त्री आफताब आलम र उनका भाई महताब आलम लगायत ११ जना माथि कर्तब्जय ज्यानको मुध्दा प्रहरीले चलाएको थियो ।

उक्त घटनामा प्रहरीले अनुसन्धानले संलग्न देखाएका मध्ये ५ जना पक्राउ परिसकेको जिल्ला प्रहरी रौैतहटले जनाएको भने ६ जना अझै फरार रहेका छन् । उक्त घट्नामा मारिएका पिन्टु भनिने त्रिलोक प्रताप सिहका बुवा श्रीनारायाण सिह र अख्तरका आमा रुक्साना खातुनले २०६५ बैसाख ९ गते काग्रेस नेता आलम लगायत ४ जना बिरुद्ध किटानी जाहेरी दिएको २ महिना पछि २०६५ असार १ र ९ गते सांसद आलम, उनका भाई महताब बिरुद्धको कर्तब्य ज्यान मुध्दाको अनुसन्धान मिसिल लाई प्रहरीले सरकारी वकिलको कार्यालय गौरमा मिसिल पेश गर्दा तत्कालीन प्रमुख ध्रुबमणि ज्ञावलीले प्रमाण नपुगेको भन्दै मुध्दा नचल्ने निर्णय गरेको थियो ।

तर पछि फेरी उक्त मुद्धालाई ब्युँत्याउदै अनुसन्धान अगाडी बढाईएको थियो ।