अखबार नेपाल ट्रेन्डिङ

किम जोङ उन उत्तर कोरियाको स्टेट अफेयर्स कमिसनको अध्यक्षमा पुन: निर्वाचित भएका छन् । उत्तर कोरियाका सर्वोच्च नेता किम उत्तर कोरियाको १४औँ सर्वोच्च जनकंग्रेसको पहिलो सत्रबाट अध्यक्षमा निर्वाचित भएका हुन् ।

बैठकले चोइ रियोङ हाइलाई प्रथम उपाध्यक्ष तथा जनंग्रेसको अध्यक्षमा निर्वाचित गरिएको छ । उनी राष्ट्र प्रमुखको हैसियतमा रहन्छन् । यसअघि यस पद सन् १९९८ देखि किम योङ नामले समाल्दै आएका थिए । त्यस्तै पार्क पोङ जुको स्थानमा किम जाइ रियोङलाई नयाँ प्रधानमन्त्रीको रुपमा निर्वाचित गरिएको छ ।

मार्च १० मा सर्वोच्च जनकंग्रेसमा निर्वाचित भएका उनलाई एक महिना नबित्दै पहिलो बैठकले प्रधानमन्त्रीको रुपमा निर्वाचित गरेको हो । उनी त्यहाँको वर्कस् पार्टी अफ कोरियाको पोलिटव्यूरो र सेन्ट्रल मिलिटरी कमिसनमा समेत निर्वाचित भएका छन् । जनकंग्रेसले स्टेट अफेयर्स कमिसनमा अमेरिकासँगको वार्तामा भूमिका खेलेका किम योङ चोल, परराष्ट्र मन्त्री रि योङ हो, परराष्ट्र सहायक मन्त्री चोइ सोन हुइलाई चयन गरेको योन्हापले जनाएको छ ।

सहायक मन्त्री हुईलाई प्रथम सहायक मन्त्रीको रुपमा बढुवासमेत गरिएको छ । उत्तर कोरियाको विदेश मन्त्रालयमा एक विदेश मन्त्री एक प्रथम सहायक मन्त्री र एक दर्जन सहायक मन्त्री रहँदै आएका छन् । जनकंग्रेसले उनीसँगै रि मान गोन, चोइ ह्वाइ, पाक थाइ दोक, थाइ होङ चोल र जोङ कियोङ पोलिटव्यूरोमा निर्वाचित भएका छन् ।