अखबार नेपाल ट्रेन्डिङ

काठमाडौं : कोरोनाका कारण बिरामी हुने र मृत्यु हुनेको संख्या दिनप्रतिदिन बढदो छ ।

काठमाडौ उपत्यकामा अहिले कोरोना रोगले उग्र रुप लिएको छ । यो बेलामा सरकारले लकडाउन गर्लान कि भन्ने व्यापक आशंका गरिएको थियो ।

तर स्वास्थ्य तथा जनसंख्या मन्त्रालयले तत्काल लकडाउन नगर्ने बताएको छ ।

यही असोज ७ गते स्वास्थ्य तथा जनसंख्या मन्त्रालय अन्तर्गतको इन्सिडेन्ट कमान्ड सिस्टमको बैठकले सक्रिय संक्रमितको संख्या २५ हजार नाघे पुनः लकडाउन गर्न सिफारिस गरेको थियो ।

अहिले नेपालमा सक्रिय संक्रमितको संख्या २५ हजार ७ जना पुगेको छ । कोरोना संक्रमणको संख्या २५ हजार नाघेपनि सरकारले लकडाउन नगर्ने बताएको हो ।

कोरोना लागेर विरामीहरु अस्पताल लगेपनि वेड पाउने संभावना छैन । अस्पतालभरी कोरोनाकै विरामीले भरिभराउ रहेको छ ।

तर स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले अझै पनि अस्पतालहरुले बिरामीको संख्या धान्न सक्ने भएकाले अर्को निर्णय नभएसम्म लकडाउन नहुने बताउँछन् ।