अखबार नेपाल ट्रेन्डिङ

काठमाडौं : नेपाली कांग्रेसका सभापति शेरबहादुर देउवाको निर्णयको विरोध गर्दै बरिष्ठ नेता रामचन्द्र पौडेल पक्षले आज सोमबार पार्टी कार्यालयमा विरोधपत्र दर्ता गरेको छ ।

लामो समयदेखि पार्टीभित्र सभापति देउवाले मनोमानी ढंगले पार्टी संचालन गरेको भन्दै बिरोध गर्दैै आएको पौडेल समूहले हिजो आइतबार विरोधपत्र दर्ता गर्ने भनिएपनि समयअभावको कारण भन्दै हिजो विरोधपत्र दर्ता गर्न सकेको थिएन । हिजो गर्ने भनिएको विरोधपत्र दर्ता गर्ने कार्य पार्टीका अर्का प्रभावशाली नेता कृष्णप्रसाद सिटौलाले हस्ताक्षर नगरेकाले हुन सकेको थिएन ।

आज पार्टी कार्यालय सानेपामा बिरोधपत्र दर्ता गर्दै पौडेल समूहले पार्टी विधिसम्मत तरिकाले संचालन गर्न सभापति देउवालाई आग्रह गरेका छन् ।

बिरोधपत्रमा बरिष्ठ नेता पौडेलका साथै पार्टीका केन्द्रीय पदाधिकारी तथा सदस्यहरुमा महामन्त्री डा. शशांक कोइराला, कोषाध्यक्ष सीतादेवी यादव, प्रकाशमान सिंह, डा रामशरण महत, छन् ।

यस्तै, केन्द्रीय सदस्यहरु अर्जुननरसिंह के.सी, बलबहादुर के.सी, महेश आचार्य, दिलबहादुर घर्ती, डा. मिनेन्द्र रिजाल, सुजाता कोइराला, दिलेन्दप्रसाद बडू, डा. शेखर कोइराला, दीपक गिरी, नविन्द्रराज जोशी, डा. चन्द्र भण्डारी, कमला पन्त, धनराज गुरुङ्ग, रत्न शेरचन, बद्रीप्रसाद पाण्डे, जीवन परियार, गुरुराज घिमिरे, कल्याणकुमार गुरुङ्ग, रामकृष्ण यादव, हृदयराम थानी, किरण यादव, सरिता प्रसाईं, छन् ।

यसअघि हिजो आइतबार बिरोधपत्र दर्ता गर्ने कुरा रहे पनि बरिष्ठ नेता पौडेल र सिटौलाबीच कुरा नमिल्दा त्यो काम हुन सकेको थिएन ।

बिरोधपत्रमा पौडेल समूहका २७ नेताहरुको हस्ताक्षर रहेको छ । हेर्नुहोस बिरोधपत्रको पूरा अंश :