अखबार नेपाल ट्रेन्डिङ

एजेन्सीः चेल्सीले कारबाओ कपमा बान्सलीलाई ६–० को फराकिलो गोल अन्तरले पराजित गर्दै अघिल्लो चरणमा स्थान बनाएको छ ।

यसै सिजन चेल्सी प्रवेश गरेका हभार्टजले ह्याट्रिक गरे भने ट्याम्मी अब्राहम, रोस बार्कली र ओलिभर जिरुडले एक एक गोलको योगदान दिए ।

खेलको शुरुवातदेखि नै हाबि देखिएको चेल्सीले खेलको १९औं मिनेटमा ट्याम्मीको गोलबाट पहिलो अग्रता बनाएको थियो । यसपछि २८औं मिनटमा हभार्टजले आफ्नो डेब्यु गोल गर्दै चेल्सीलाई दोश्रो अग्रता दिलाए ।

दोश्रो हाफको खेलमा चेल्सीले बान्सलीमाथि थप चार गोल गर्यो । ४९औं मिनेटमा बार्कलीले गोल गर्दै चेलसीलाई ३–० को अवस्थामा पुर्याए । ५५औं मिनेटमा पुन हाभर्टजले व्यक्तिगत दोस्रो गोल गरे र चेल्सीलाई ४–० गोलको अग्रता दिलाए ।

यसको १० मिनटपछि हभार्टजले नै गोल गर्दै चेल्सीका लागि आफ्नो पहिलो ह्याट्रिक गोल पुरा गरे । यस्तै ८३औं मिनटमा जिरुडले चेल्सीका लागि गोल गर्दे चेल्सीलाई ६–० को जित दिलाए ।