अखबार नेपाल ट्रेन्डिङ

काठमाडौं: डाक्टर गोविन्द केसीको स्वास्थ्य अवस्था कमजोर भएपछि जुम्लाबाट काठमाडौं ल्याइएको छ ।

डा. केसीलाई महाराजगञ्जस्थित टिचिङ अस्पतालमा लैजाने पूर्व तयारी भएपनि प्रहरीले राष्ट्रिय ट्रमा सेन्टर पुर्याईएको छ । राष्ट्रिय ट्रमा सेन्टरका प्रमुख डाक्टर सन्तोष पौडेलले डा. केसीले स्वास्थ्य जाँच गर्न नमानेको जानकारी दिएका छन् । उनले डा. केसीलाई इमरजेन्सी कक्षमा राखिएको जानकारी दिए ।

जुम्लाबाट सोमबार नेपालगञ्ज आएका केसीले भेरी अस्पतालको आईसीयूमा पनि अनशन जारी राखेका थिए । आफ्ना मागहरु पूरा नहुँदासम्म अनशन नतोड्ने अडान डा. केसीले लिरहेका छन् । भदौ ९ गतेदेखि डा. केसी १९ औं सत्याग्रहमा सुरु गरेका थिए ।