अखबार नेपाल ट्रेन्डिङ

काठमाडौं: सरकारले कोरोना भाइरसको महामारीका कारण विदेशमा अलपत्र परेका नेपालीहरुको प्राथमिकताका आधारमा उद्दार कार्यलाई निरन्तरता दिँदै आएको छ । विमानस्थल स्रोतका अनुसार बुधबार पनि विभिन्न मुलुकबाट नेपाली लिएर विदेशी र स्वदेशी विमानले उडान भर्नेछन् ।

आज हिमालयन एयरलाइन्सले साउदीको दमामबाट १ सय ५८ यात्रु लिएर फर्किनेछ । त्यसैगरी स‌ंयुक्त अरब इमिरेट्स यूएईबाट हिमालयन एयरलाइन्सले १ सय ५५ यात्रु ल्याउने छ । यसैगरी कुवेतबाट हिमालयलन एयरलाइन्सले १ सय ५४ जना यात्रु ल्याउने छ ।

नेपाल एअरलाइन्सको विमानले साउदीको जेद्दाबाट २ सय ६० समस्यामा परेका नेपाली लिएर आउँदै छ भने आज कुबेतबाट १ सय ५० जना फर्किेन कार्यतालिका छ । कुवेत जजिरा एयरको चार्टर्ड मार्फत उनीहरुलाई नेपाल फर्काउन लागिएको वमानस्थल जनाएको छ ।

त्यसैगरी अमेरिकाबाट आज २ सय ८२ जना यात्रु लिएर टर्किस एयरलाइन्सको विमान नेपाल आउने भएको छ । विमानस्थलका अनुसार मलेसिया एयरलाइन्सले ४ जना यात्रु लिएर आउने छ । बुधबार १ हजार १ सय ६३ जना यात्रुको उद्धार हुने विमानस्थलले जनाएको छ ।