अखबार नेपाल ट्रेन्डिङ

काठमाडौं: टेकुस्थित सरुवा रोग अस्पतालमा कोरोना भाइरस परिक्षण गराउनेको चाप बढेको छ । अस्पतालको तथ्याङ्क अनुसार जेठ पहिलो सातासम्म करिव ५ जनादेखि सय जना मानिस मात्र कोरोना परिक्षणका लागि पुग्ने गरेकोमा हाल ११ सय भन्दा बढि मानिस कोरोना परिक्षणका लागि अस्पताल पुग्ने गरेका छन् ।

टेकु सरुवा रोग अस्पतालले कोरोनाको लक्षण देखिएको र संक्रमणको जोखिम देखिएका क्षेत्रबाट आएका व्यक्तिलाई मात्र पिसीआर तथा आरटीडी परिक्षण गर्दै आएको भएतापनि पछिल्लो समय राजधानीमा भाडामा बस्दै आएका मानिसहरुसँग घरबेटीले कोरोना परिक्षण प्रमाणपत्र माग गर्न थालेपछि अस्पतालमा कोरोना परिक्षण गराउनेको चाप बढेको टेकु सरुवा रोग अस्पतालका प्रवक्ता डाक्टर अनुप बास्तोलाले बताए ।