अखबार नेपाल ट्रेन्डिङ

एजेन्सीः स्पेनिस ला लिगामा शिर्ष स्थानको बार्सिलोनाले विजयी शुरुवात गरेको छ । कोरोना भाईरसका कारण गत मार्चबाट रोक्किएपछि शुरु भएको ला लिगाको पहिलो खेलमा बार्सिलोनाले मालोर्कामाथि ४–० को शानदार जित निकालेको हो । उसको जितमा आर्टुरो भिडाल, मार्टिन ब्रेथवेट, जोर्डी अल्बा र मेस्सिले समान १–१ गोलको योगदान दिए ।

भिडालले बार्सिलोनालाई खेलको शुरुवाती दोश्रो मिनटमा गोल गर्दै अग्रता दिलाए भने पहिलो हाफअघि ब्रेथवेटले गाल गर्दै बार्सालदाई दोश्रो अग्रता दिलाए । पहिलो हाफमा दुई गोल गरेको बार्साले दोश्रो हाफमा थप दुई गोल गर्यो । खेलको ७९औं मिनटमा अल्बाले गोल गरे भने निर्धारित समय सक्किएपछिको ईन्ज्युरी समयको तेश्रो मिनटमा मेस्सिले बार्सालाई ४–० को जित दिलाए ।

शनिबार नै भएको अर्को खेलमा स्पानियोल विजयी भएको छ । स्पानियोलले अल्भेसलाई २–० ले पराजित गर्यो । घरेलु मैदानमा स्पानियोललाई जिताउन खेलको ४५औं मिनेटमा बेर्नार्डो स्पेनोसाले गोल गरे । दोस्रो हाफको ४७ औं मिनेटमा वउ लीले गोल गर्दै स्पानियोलाइ सहज जित दिलाए ।

यस्तै शनिबारै भएको अर्को खेलमा भिल्ला रियालले सेल्टा भिगोलाई १–० ले पराजित गर्यो । सेल्टाको घरेलु मैदान अबान्का बलाईडोसमा शनिबार राती भएको खेलमा भिला रियालको जितमा ट्रीगुएरोसले अतिरिक्त समयको पहिलो मिनेटमा गरेको गोल नै निर्णयक बन्यो ।