अखबार नेपाल ट्रेन्डिङ

काठमाडौं: राजधानीको विभिन्न ठाउँमा चोरी गर्दै हिँड्ने व्यक्तिसँग अन्नपूर्ण मिडिया नेटवर्क एपीवानको प्रेस कार्ड फेला परेपछि एपिवान टेलिभिजनले गम्भिर ध्यानाकर्षण गराएको छ । चोरी धन्दामा संलग्नले एपिवानमा कार्यरत शुशान शाही (ककासी)को नाममा रहेको नक्कली प्रेस कार्ड प्रयोग गरि चोरीमा संलग्न भएको भन्दै विभिन्न सञ्चार माध्यममा आएको समाचारको खण्डन गर्दै एक विज्ञप्ती मार्फत ध्यानाकर्षण गराएको छ ।

एपिवानद्वारा आज जारी गरिएको कार्यकारी उपाध्यक्ष राजेन्द्र शाक्यद्वारा हस्ताक्षरित विज्ञप्तीमा भनिएको छ- ‘एपीवान टेलिभिजनको अनलाइन ग्राफिक्स विभागमा कार्यरस शुशासन शाहीको परिचयपत्र नक्कली बनाई दुरुपयोग भएकोप्रति हाम्रो ध्यानाकर्षण भएको छ । निजको सक्कल परिचयपत्र आफैंसँग रहेको र दैनिक कार्यालयमा कामकाजमा रहेको जानकारी गराउँदै परिचयपत्रको दुरुपयोग गरी चोरीधन्धामा लाग्नेहरुमाथि थप अनुसन्धान र सख्त कारबाहीको लागि उजुरी समेत दिईसकेको स्पष्ट पार्दछौं ।’ विज्ञप्तीमा भनिएको छ ।

चोरी धन्दामा पक्राउ परेका बारा बड्की फूलबारी गाउँपालिकाका २८ वर्षीय अलि आलम मिया र सुनसरी जिल्ला इटहरी उपमहानगरपालिका वडा नम्बर १४ बस्ने आश्रय रिजाललाई महानगरीय अपराध महाशाखाले पक्राउ गरेको छ ।

महानगरीय अपराध महाशाखा र महानगरीय प्रहरी वृत्त गौशालाको टोलीले काठमाडौंका विभिन्न स्थानमा चोरी गर्दै हिँड्ने उनीहरुको साथबाट बिभिन्न ब्राण्डका Laptop, CANON क्यामेरा, नगद रु. ५३,०००/- अमेरिकन डलर ३००/- चाईनिज युयान २००/- धारिलो हतियार र एपिवानको प्रेस कार्ड समेत बरामद गरेको थियो ।