अखबार नेपाल ट्रेन्डिङ

एजेन्सी: कोरोना महामारीपछि फर्किएको जर्मनीको बुन्डेस लिगामा बोररुसीया डर्टमण्डले सानदार विजयी शुरुवात गरेको छ । बुन्डेस लिगाको पहिलो खेलमा लिग उपाधिको दौडमा रहेको बोरुसीया डर्टमण्डले साल्केमाथि शानदार ४–० गोल अन्तरको जित निकाल्यो । डर्टमण्डले जित निकाल्ने क्रममा पहिलो र दोश्रो हाफमा समान २–२ गोल गरेको थियो । डर्टमण्डलाई जित दिलाउने क्रममा राफेल गुरेरोले २ तथा एर्लिङ्ग हाल्याण्ड र थोर्गन हजार्डले समान एक एक गोलको योगदान दिए ।

डर्टमण्डका लागि ३१औं मिनटमा हजार्डले गोल गरे । पहिलो हाफको अन्तिम मिनेटमा जुलिआन ब्रान्डले दिएको पासलाई गुरेरोले गोलमा परिणत गर्दै पहिलो हाफमा डर्टमण्डलाई २–० को अग्रता दिलाए । दोश्रो हाफमा आक्रामक शुरुवात गरेको साल्के विरुद्ध ४८औं मिनटमा थोर्गन हजार्डले गोल गर्दै डर्टमण्डलाई ३–० को अवस्थामा पुर्याए ।

यसपछि खेलको ६३औं मिनटमा एर्लिङ्गसँगको वान टु असिस्टमा गुरेरोले डर्टमण्डलाई ४–० को स्पष्ट जित दिलाए । जितसँगै तीन अंक बटुलेको डर्टमण्डले शिर्ष स्थानमा रहेको वायर्न म्युनिखसँगको अंकदूरी १ मा घटाएको छ । २६ खेल खेलेको डर्टमण्डको ५४ अंक भएको छ भने वायर्नको २५ खेलमा ५५ अंक छ । पराजित साल्के २ स्थान खस्कदै आठौ स्थानमा पुगेको छ ।

यस्तै गएराती भएको अन्य खेलमा फ्रेइबर्गदे आरबीले लेप्जिगलाई १–० ले हरायो भने हेर्था बर्लिनले होफेनमाथि ३–० को फराकिलो जित दर्ता गर्यो । उता अक्सबर्गलाई वुल्फ्स्बर्गले दुई एक गोल अन्तरले पाखा लगायो । अर्को खेलमा डुसेल डर्फले पेडर्नबर्नसँग खेल गोल रहित बराबरीमा टुङ्गयाएको छ । सामजिक दूरी सहित विभिन्न सुरक्षा उपाय अपनाउने शर्त सहित शुरु भएको बुन्डेस लिगाको सबै खेल बिना दर्शक भएको थियो ।