अखबार नेपाल ट्रेन्डिङ

काठमाडौं: विश्वभर महामारीको रुपमा फैलिएको कोरोना भाइरसका गम्भीर बिरामीको संख्या घट्न थालेको छ । सुरुमा कुल संक्रमित संख्याको ५ प्रतिशतसम्म गम्भीर बिरामी हुने गरेकोमा अहिले यो ३ प्रतिशतमा झरेको छ ।

करिब डेढ हप्ता अघिसम्म ५ प्रतिशत गम्भीर बिरामीको संख्या रहेकोमा त्यसपछि ४ प्रतिशतमा झरेको थियो । हिजोसम्म ४ प्रतिशत रहेकोमा आजबाट ३ प्रतिशतमा झरेको छ । अहिले विश्वभर कोरोनाका १६ लाख ६३ हजार ९ सय २८ जना विरामी उपचाररत छन् । यससमध्ये ५६ हजार ७ सय ६५ जना अर्थात ३ प्रतिशतको अवस्था गम्भीर रहेको तथ्यहरु सार्वजानिक भएका छन् ।

नेपालमा अहिले २७ जनामा कोरोना संक्रमण रहेकोमा सबैको अवस्था सामान्य रहेको स्वास्थ्य मन्त्रालयले जनाएको छ ।