अखबार नेपाल ट्रेन्डिङ

काठमाडौं: नेपाली कांग्रेसको आकस्मिक पदाधिकारी बैठक बस्दै छ । सरकारले अप्रत्याशित रुपमा दुई अध्यादेश जारी गरेपछि कांग्रेसले पदाधिकारी बैठक बोलाइएको हो । पार्टी सभापति शेरबहादुर देउवा निवास बुढानिलकण्ठमा पदाधिकारी बैठक बस्दैछ ।

बैठकमा सरकाले सोमबार जारी भएका दुई अध्यादेशका विरुद्धमा पार्टीले निर्णय लिने बताइएको छ । दल सम्बन्धी र संवैधानिक परिषद् गरि दुई अध्यादेश राष्ट्रपतिबाट हतार हतारमा जारी गरिएको थियो । कांग्रेस सभापति देउवाले अध्यादेश जारी हुनुलाई नेपाली इतिहासकै सबैभन्दा दुःखद घटना हो भएको उल्लेख गरेका छन् । कांग्रेसले ‘बेमौसमी बाँसुरी’ संज्ञा समेत दिएको छ ।

कोरोनाको संक्रमणसँग पुरै विश्व लडिरहेको समयमा सत्ताको उन्मादका रुपमा अध्यादेश जारी भएको कांग्रेसको टिप्पणी छ । अलोकतान्त्रिक तरिकाले संविधानको मर्मविपरीत ल्याएको अध्यादेश फिर्ता गर्न कांग्रेसले माग गरेको छ ।