अखबार नेपाल ट्रेन्डिङ

काठमाडौं: विश्वभर महामारीको रुप लिएको कोरोना भाइरसको खोजिमबाट बच्न नेपाल सरकारले देशभर लकडाउन घोषणा गरेको आज २७औं दिन । राजधानीमा लकडाउनमा सरकारले थप कडाई गरेको छ । अत्यावश्यक भन्दा अन्यलाई बाहिर निस्किन पूर्ण रुपमा रोक लगाइएको छ ।

राजधानीमा अत्यावश्यक सामान खरिद गर्न विहान पाँच बजेदेखि आठ बजेसम्म पसल खोल्न दिएपनि त्यसपछि भने पूर्ण रुपमा बन्द गरिँदै आएको छ । नेपालमा कोरोना संक्रमितको संख्या बढ्न थालेपछि सरकारले लकडाउनलाई थप कडाइ गर्न थालेको हो । हालसम्म नेपालमा ३१ जनामा कोरोना संक्रमित देखिएका छन् भने तीमध्ये तीन जना उपचारपछि ठिक भएका छन् ।

सरकारले चरणवद्ध रुपमा लकडाउन लम्ब्याउँदै गर्दा दैनिक ज्यालादारी र मुजदुरी गरेर दैनिक गुजारा चलाउने श्रमिक राजधानीबाट हिँडेरै गन्तव्यतर्फ लम्बिन थालेपछि सरकारले उनीहरुलाई जो जहाँ छ, त्यही रोक्ने नीति लिएको छ ।