अखबार नेपाल ट्रेन्डिङ

एजेन्सीः ईङ्ग्लिस प्रिमियर लिगका २० क्लबहरुले यस सिजन कुनैपनि हालतमा लिग सक्काउने प्रस्ताव अघि सारेका छन् । कुनैपनि क्लबहरुले कसरी र कहिलेबाट शुरु गरी लिगलाई नतिजामा पुर्याउने भन्ने यकिन प्रस्ताव अघि सार्न सकेका छैनन् ।

बेलायतमा बसेको लिग क्लहरुको बैठकमा सबै २० क्लबका पदकाधिकारीहरुको उपस्थिति थियो । सबै क्लबले सिजनलाई नतिजामा पुयाउनुपर्ने कुरा अघि सारेको थिए । कोरोना भाईरस महामारीको प्रकोपले बेलायतलाई अझैपनि प्रभावित बनाईरहेको अवस्थामा पनि क्लबहरुले स्थगित प्रिमियर लिग सक्काउने प्रतिबद्धता जनाएका छन् ।

कोरोना भाईरस संक्रमणका कारण मार्च १३ मा स्थगित गरिएको लिग शुरुमा अप्रिल ३ सम्मका लागि स्थगित गरिएको थियो । तर महामारीले उग्ररुप लिदै गएपछि अहिलेसम्म पनि कहिलेसम्म फुटबल गतिविधि रोक्किने भन्ने अनिश्चितता कायम नै रहेको छ ।