अखबार नेपाल ट्रेन्डिङ

काठमाडौं: शेयर बजार पाँच दिनका लागि बन्द हुने भएको छ । नेपाल धितोपत्र बोर्डले अबको पाँच दिनसम्म शेयर बजार बन्द गर्न आदेश दिने निर्णय गरेको बोर्डले जनाएको छ ।

बोर्डले आजदेखि लागु हुनेगरी बजार बन्दगर्ने निर्णय गरेको हो । सो निर्णय अनुसार अब अर्को सोमबारदेखि मात्रै बजार खुला हुनेछ । यो हप्ता सोमबार, मंगलबार, बुधबार र बिहीबार तथा अर्को हप्ताको आइतबार शेयर बजार बन्द रहनेछ ।

लगानीकर्ता संघका नेताहरुले आइतबारदेखि नै बजार बन्द गर्ने माग गरे पनि धितोपत्र बोर्डले बजार बन्द गर्ने कि खुल्ला राख्ने भन्ने सम्बन्धमा निर्णय नगर्दा आइतबारको शेयर बजार खुलेको थियो । आइतबार बजार खुलेपछि लगानीकर्ता संघका पदाधिकारीहरु नेप्से, अर्थ मन्त्रालयदेखि सेबोनसम्म पुगेर बजार बन्द गर्न दवाव दिएका थिए ।