अखबार नेपाल ट्रेन्डिङ

काठमाडौं: विश्वव्यापी महामारीको रुपमा फैलिएक कोरोना भाइरसको संक्रमणबाट बच्न सरकारले आजदेखि लागु हुनेगरी देशैभर लामो दूरीका सवारीसाधन सञ्चालनमा रोक लगाएको छ ।

प्रधानमन्त्री केपी शर्मा ओलीले गत शुक्रबार साँझ राष्ट्रका नाममा सम्बोधन गर्ने क्रममा यो जानकारी गराइसकेका छन् । प्रधानमन्त्री ओलीले गरेको सम्बोधनमा भनिएको छ, ‘आगामी चैत १० गतेदेखि केही अवधिका लागि नेपालभर चल्ने सबै प्रकारका लामो दूरीका यात्रुवाहक सवारी साधनहरू सञ्चालनमा रोक लगाइएको छ ।’ लामो दूरी अन्तर्गत एक जिल्लाबाट अर्को जिल्लामा पनि गाडी चलाउन नपाइने महागरीय ट्राफिक महाशाखाले जनाएको छ ।

आज बिहानैदेखि काठमाडौंका सडक सुनसान देखिन थालेका छन् । सार्वजनिक सवारीसाधनको संख्या ह्वात्तै घटेको छ भने निजी सवारीसाधन पनि कमै चलेका छन् । कोरोना संक्रमणको डरले काठमाडौंबाट धेरै मासिन आफ्ना गृहजिल्ला फर्किएकाले यात्रु समेत घटेको छ । बजारमा चहलपहल कम भएको छ ।

अन्तर्राष्ट्रिय उडान पनि आइतबारदेखि बन्द गरिएको छ । तर, आन्तरिक उडान र छोटो दुरीका सवारी साधन भने यथावत सञ्चालन हुनेछ सरकारले जनाएको छ ।