अखबार नेपाल ट्रेन्डिङ

काठमाडौं: कोरोना भाइरसको उच्च जोखिम भएपछि कान्ति बाल अस्पतालले १० बेडको छुट्टै आइसोलेसन वार्ड तयार पारेको छ । हालसम्म कान्ति अस्पतालमा कोरोना भाइरसको दुईजना शंकास्पद बालबालिका उपचार गर्न आएको अस्पतालले कोरोना शंकास्प्द बिरामी बच्चारहरूको उपचारका लागि ओपिडी र इमरजेन्सी वार्डमासमेत छुट्टै जाँच गर्ने व्यवस्था मिलाएको छ ।

शंकास्पद ती बालबालिकामा ल्याब परीक्षणमा कोरोना भाइरस भने नेगेटिभ आएको कान्ति बाल अस्पतालका निर्देशक डा कृष्ण पौडेलले जानकारी दिएका छन् । सरकारले ५० बेडमाथिका अस्पतालमा छुट्टै फिवर क्लिनिक खोल्न पनि निर्देशन दिएको छ । ‘कान्तिले फिवरसहित रुघा खोकी लागेका बालबालिकालाई पनि सो क्लिनिकमा स्वास्थ्य परीक्षण गर्ने व्यवस्था मिलाईएको र आकस्मिक केस आउने स्थानमा पनि ज्वरो र रुघाखोकी देखिने बालबालिकाका लागि छुट्टै परीक्षण गर्ने स्थान तयार पारिएको डा कृष्ण पौडेलले जानकारी दिए ।