अखबार नेपाल ट्रेन्डिङ

पाल्पाः विश्वभर महामारीको रुप फैलिएको केरोना भाईरस ‘कोभिड-१९’ भित्रिन नदिनका लागि सरकारले विभिन्न प्रयास गर्दै आएको छ । संघीय सरकारसँगै पाल्पामा स्थानीय सरकार तथा संघसंस्थाहरुले पनि सचेतना कार्यक्रमलाई तिव्रता दिईरहेका छन् ।

पाल्पाको रामपुर नगरपालिकाले सचेतनाका लागि घर दैलो अभियान नै सुरु गरेको छ । वडाका जनप्रतिनिधि, महिला स्वास्थ्य स्वयमसेविका, शिक्षक र कक्षा ९ का विद्यार्थीहरुलाई कोरोना भाइरसका बारेमा जानकारी दिई सचेतना अभियान सुरु गरेको हो । नेपाल पनि जोखिममा रहेकाले स्थानीयलाई कारोना भाईरस, सर्ने कारण, बच्ने उपायका बारेमा जानकारी दिई आत्मबल बढाउनु र थप सावधानी तर्फ सचेत गराउन कार्यक्रम सुरु गरिएको रामपुर नगरपालिका नगरप्रमुख रमण बहादुर थापा, यता रामपुर नगरपालिकाले पनि भाईरस संक्रमणबाट बचाउनका माक्स निर्माण, क्वरेन्टाईन कक्ष, अस्पतालमा आईसोलेशन कक्ष स्थापनाको पहल गरिरहेको छ ।

वडाका दश वटा टोलका ८ सय ५६ घरपरिवारसम्म पुग्नको लागि ५-७ जनाको १० वटा समुह बनाई पर्चा, पम्पलेट तथा माक्स सहित घर-घरमा टोली परिचालन गरिएको छ । कोरोनाको औषधी नभएकाले यसका लागि सावधानी अपनानु उपयुक्त ठानिएको छ । संघ र प्रदेश सरकारले सचेतनाको लागि पहल गर्दै आएको छ । देशमा संक्रमण नभेटिए पनि जोखिम भने उत्तिकै रहेकाले जनतासँग प्रत्यक्ष जोडिएको स्थानीय तहहरु पनि समय मै नागरिकलाई सचेत गराउन र जोखिम न्यूनिकरणमा सहयोग पुग्ने आपेक्षा गरिएको छ ।