अखबार नेपाल ट्रेन्डिङ

काठमाडौं: पछिल्लो समयमा विश्वव्यापी महामारीको रुपमा फैलिदै गएको कोरोना भाइरस ‘कोभिड-१९’को सन्त्रासका कारण उपत्यकाबाट मानिसहरु बाहिरिने क्रम शुरु भएको छ ।

महानगरीय ट्राफिक प्रहरी महाशाखाका अनुसार अरु दिनको तुलनामा पछिल्ला दिनमा उपत्यकाको नागढुङ्गा, जगाति, फर्पिङ र नागार्जुन नाकाबाट बाहिरिने सवारी साधनको सङ्ख्या बढ्न थालेको जनाएको छ । नयाँ बसपार्क सञ्चालन गरेको ल्होत्से बहुद्देश्यीय प्रालिका महाप्रबन्धक सुनिल कुँवरले नयाँ बसपार्कमा अरुका दिनभन्दा हिजोआज घर जाने यात्रुको भीड लागेको जानकारी गराए ।

कक्षा १ देखि ९ सम्मको वार्षिक परीक्षा सकिएकाले बिदा मनाउनका लागि यात्रुहरु उपत्यका छोड्ने क्रम बढेसँगै विभिन्न नाका हुँदै १८ हजार ४ सय ४१ सवारी साधन बाहिरिएका र अरु समयमा ८० हजारको हाराहारीमा यात्रु उपत्यका बाहिरिने गरेपनि पछिल्लो समय ९० हजारभन्दा धेरै मानिसहरु उपत्यकाबाट बाहिरिएको ट्राफिक महाशाखाका प्रवक्ता, प्रहरी उपरीक्षक जीवनकुमार श्रेष्ठले जानकारी दिए ।