अखबार नेपाल ट्रेन्डिङ

काठमाडौं: सत्तरुढ दल नेपाल कम्युनिष्ट पार्टी (नेकपा)ले प्रस्ताव गरेको प्रदेश नम्बर दुईको नाम जानकी अस्वीकृत भएको छ । प्रदेश दुईको नामाकरणका लागि प्रदेशसभामा दर्ता गराइएका चार प्रस्तावमध्ये नेकपाले गरेको पहिलो प्रस्तावमा १ सय ७ मतमा जम्मा ३७ मत परेको थियो ।

प्रदेश सभाको भवनमा जारी मतदानमा नेकपाका प्रदेशसभा सदस्य रामकुमार यादवले सो प्रस्ताव सदनमा प्रस्तुत गरेका थिए । १ सय ७ सांसद रहेको सो प्रदेश सभामा राजधानीको नाम स्वीकृत गर्न दुई तिहाई बहुमत अर्थात् ७२ मत आवश्यक पर्दछ ।

नेकपाले गरेको पहिलो प्रस्ताव अस्वीकृत भएसँगै अहिले कांग्रेसले प्रस्ताव गरेको मिथिला भोजपुरा नामका लागि मतदान जारी छ । त्यस्तै सत्तासीन समाजवादी र राजपाले प्रदेश दुईको नाम ‘मधेश प्रदेश’को प्रस्ताव गरेका छन् । प्रदेश सरकारमा सहभागी राजपाले नाम मधेश प्रदेश राख्न आफ्ना सांसदलाई ह्वीप जारी समेत गरेको छ ।