अखबार नेपाल ट्रेन्डिङ

काठमाडौं: नेपाल सरकारले कोरोना भाइरस ‘कोभिड-१९’ संक्रमणको त्रासले कालोबजारी बढेपछि दैनिक उपभोग्य बस्तुको सुपथ मूल्य पसल सञ्चालन गर्ने भएको छ । उद्योग तथा वाणिज्य र श्रम तथा उपभोक्ता हित समितिमा उद्योग, वाणिज्य तथा आपूर्तिमन्त्री लेखराज भट्टले सुपथ मूल्यका पसल खोल्न लागेको संसदमा जानकारी गराएका छन् ।

खाद्यान्नको सस्तो पसल निश्चित ठाउँहरुमा खोल्ने तयारी खाद्य व्यवस्था संस्थान र साल्ट ट्रेडिङ कर्पोरेसनले गरिरहेको पनि उनले बताए । संसद बैठकले कालोबजारी रोक्न, आपूर्ति ब्यवस्थालाई सहज बनाउन सरकारी निकायलाई निर्देशन दिएको छ । कोरोना भाइरसको महामारी फैलिएको भन्दै र बजारमा दैनिक उपभोग्य अभाव नहुने गरि प्रचारप्रसार गर्न पनि समितिले सरकारलाई निर्देशन दिएको छ । बैठकमा सांसदहरुले खुलेआम कालोबजारी भएपनि यसलाई नियन्त्रण गर्न चासो नदेखाएको भन्दै सरकारको ध्यानाकर्षण गराएका छन् ।