अखबार नेपाल ट्रेन्डिङ

काठमाडौं: राष्ट्रिय फुटबल टिमको बन्द प्रशिक्षणबाट बिद्रोह गरेका खेलाडीहरुले पत्रकार सम्मेलन गरेका छन् ।

प्रशिक्षक अब्दुल्लाह अलमुताईरीको कार्यशैलीमा असन्तुष्टि जनाउँदै बन्द प्रशिक्षणबाट बिद्रोह गरेका १० खेलाडीले पत्रकार सम्मेलन गरेका हुन् ।

खेलाडीहरुले अखिल नेपाल फुटबल संघ (एन्फा)सँगको छलफलमा वर्तमान समस्या समाधानका लागि अलमुताइरीलाई बर्खास्त गर्नुपर्ने माग राखेको छ ।

राष्ट्रिय टिममा विद्रोह गर्दै प्रशिक्षण छाडेका फुटबल खेलाडीहरुले प्रशिक्षक अब्दुल्लाह अल्मुताइरीकै कारण आफूहरु क्याम्प छाडेर हिँडेको बताएका छन् ।

संयुक्त पत्रकार सम्मेलन गरेर उनीहरुले खेलाडी रोहित चन्दले सामान्य गाँस, बासको माग गर्दा प्रशिक्षक अल्मुताइरीले टिमबाटै निकालेको बताए ।

रोहितमाथि भएको अन्यायका बारेमा बोल्दा प्रशिक्षकले आफूहरुलाई घर जान भनेको उनीहरुले बताए । क्लब फुटबलभन्दा पनि राष्ट्रिय टोलीलाई नै प्राथमिकता दिइरहेको उनीहरुले बताए ।

एन्फाको खेलाडी संघले गरेको पत्रकार सम्मेलनमा प्रशिक्षण छाडेका १० खेलाडी सहित संघबाट अध्यक्ष विक्रम लामा र विकेश कुथु पनि सहभागी थिए ।

विज्ञप्ति: