अखबार नेपाल ट्रेन्डिङ

गोरखाः उत्तरी गोरखाको एक निर्माणाधीन जलविद्युत आयोजनामा अवैधरुपमा काम गरिरहेका आठ जना चिनियाँ नागरिकलाई गोरखा प्रहरीले नियन्त्रणमा लिएको छ । नौलो नेपाल हाइड्रोपावर कम्पनीले निर्माण गरिरहेको अपरबूढीगण्डकी जलविद्युत आयोजनामा काम गरिरहेका आठ जना चिनियाँ नागरिकलाई प्रहरीले नियन्त्रणमा लिएको हो ।

प्रहरी नियन्त्रणमा पर्नेहरु ट्याङ गुवाङलिन, ट्याङ डाक्वीङ, ट्याङ जुन, ट्याङ जियानहुवा, ट्याङ युजेन, याङ चुन, याङ जियाचुन र लिङ्घु केशेङ रहेका छन् । उनीहरु माछाखोलामा बन्दै गरेको हाइड्रोको स्वाइल परीक्षण सहितका काम लागिरहेको अवस्थामा नियन्त्रणमा लिई उनीहरुलाई अध्यागमन विभाग काठमाडौँ पुर्‍याएर थप कारबाहीका लागि जिम्मा लगाउने प्रहरी जानकारी दिएको छ ।

नियन्त्रणमा लिईएका चिनियाँ नागरिकसँग काम गर्ने इजाजत पत्र समेत नभएको र केहीसँग भिसासमेत नरहेको प्रहरीले जानकारी दिएको छ । भिसा नभएकाहरु उत्तरी नाकाबाट छिरेको आशंका गरिएको छ । पक्राउ परेकामध्ये केहीसँग पर्यटक भिसा भेटिएको छ ।