अखबार नेपाल ट्रेन्डिङ

काठमाडौं: देशभर पछिल्लो २४ घण्टामा १ हजार पाँच सय ७३ जना कोरोना संक्रमित थपिएका छन् ।

काठमाडौं उपत्यकामा आज ८ सय ९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज उपत्यकाका तीन जिल्लामा २ सय ९४ महिला र ५ सय १५ पुरुष गरी थप ८ सय ९ कोरोना संक्रमित थपिएका हुन् ।

स्वास्थ्य तथा जनसंख्या मन्त्रालयले गर्ने नियमित मिडिया ब्रिफिङ प्रवक्ता जागेश्वर गौतमका अनुसार देशभरबाट यही समयमा ८ सय ८५ जना संक्रमित डिस्चार्ज भएका छन् ।

आज काठमाडौंमा ६ सय ३३ जनामा २ सय ३० महिला, ४ सय ३ पुरुष, भक्तपुरमा ७२ जनामा २१ महिला, ५१ पुरुष र ललितपुरमा १ सय ४ जनामा ४३ महिला, ६१ जना पुरुषमा कोरोना पुष्टि भएको हो ।

मन्त्रालयले संक्रमितको ठेगाना भने खुलाएको छैन । यस्तै आज उपत्यकामा आज कोरोना संक्रमणबाट ५ जनाको मृत्यु भएको छ । मृत्यु हुनेमा काठमाडौंका दुई पुरुष र एक महिला साथै ललितपुर दुई पुरुष रहेका छन् ।

यस्तै आज १० हजार १ सय २३ पिसिआर परीक्षण भएको छ भने भने देशभर हाल १९ हजार १९ जना संक्रिय संक्रमित रहेका छन् ।