बसको ठक्करबाट स्कुटरमा सवार एकै परिवारका तीन जनाको मृत्यु
वि.सं.२०७७ असोज ११ आइतवार २२:१३
बारा: पूर्वपश्चिम राजमार्ग अन्तर्गत बाराको जितपुर सिमरा-१ स्थित दुधौरामा बसले स्कुटरलाई ठक्कर दिएपछि एकै परिवारका तीन जनाको मृत्यु भएको छ ।
सिन्धुलीबाट नेपालगन्जतर्फ जाँदै गरेको ना ४ ख ७२४२ नम्बरको बसले विपरित दिशाबाट जाँदै गरेको प्रदेश २-०३-००४ प ४४४२ नम्बरको स्कुटीलाई ठक्कर दिँदा एउटै परिवारका तीन जनाको मृत्यु भएको हो ।
स्कुटर दुर्घटनामा श्रीमान, श्रीमती र एक वर्षीय छोराको मृत्यु भएको छ । दुर्घटनामा निजगढ नगरपालिका-१० बस्ने वर्ष नखुलेका तीर्थमान स्याङ्तान, उनकी पत्नी ज्योती र १ वर्षीय छोरा अहानको मृत्यु भएको जनाइएको छ ।
वि.सं.२०७७ असोज ११ आइतवार २२:१३