अखबार नेपाल ट्रेन्डिङ

भद्रपुर: पूर्वमा ४५ दिनदेखि जारी चिया मजदूरको आन्दोलन फिर्ता भएको छ । चिया उद्योगीसँग सोमबार भएको वार्तामा ज्यालाका विषयमा सहमति भएपछि मजदूर आन्दोलन टुङ्गिएको हो । श्रम ऐनले तोके अनुसारको ज्याला दिन चिया उद्योगी सहमत भएपछि मजदूर आन्दोलन टुङ्गिएको हो ।

नेपाल चिया उत्पादक सङ्घ मातहतका चिया उद्योगी श्रम ऐनमा सरकारले तोकेको मजदूरको आधारभूत तलव र महङ्गी भत्ता कार्यान्वयन गर्न सहमत भएपछि चिया मजदूरले आन्दोलन फिर्ता लिएका हुन् । श्रम ऐनमा चिया मजदूरको आधारभूत तलब २ सय ३१ र महङ्गी भत्ता १ सय ५४ रुपैयाँ गरी ३८५ रुपैयाँ तोकिएको छ । सहमति भएपछि ४५ हजार चिया मजदूर काममा फर्किएका छन् ।