अखबार नेपाल ट्रेन्डिङ

काठमाडौं:  काठमाडौं उपत्यकाको तापक्रम घटेसँगै शनिबार बढी चिसो महसुस गरिएको छ। मौसम पूर्वानुमान महाशाखाको पछिल्लो विवरणअनुसार आज काठमाडौंको न्यूनतम तापक्रम १० डिग्री सेल्सियस मापन गरिएको छ।

काठमाडौं उपत्यकामा यस वर्ष जाडो सुरु भएदेखिकै आज सबैभन्दा कम तापक्रम मापन भएको हो । अबको केहीदिन देशभर तापक्रम निरन्तर घट्दै जाने क्रममा रहेको छ ।

दिउँसो घाम लागे पनि बिहान र बेलुकी बढी चिसो हुने र केही दिन तराईमा पातलो कुइरो लाग्ने र पहाडमा लामो समय पानी नपरेकाले तुवाँलोले दृश्यता कमजोर बनाउनेछ।

आज काठमाडौं उपत्यकाको अधिकतम तापक्रम २४ डिग्री सेल्सियस रहनेछ। त्यस्तै आज सबैभन्दा कम जुम्लाको न्युनतम तापक्रम माइनस २ डिग्रीमा झरेको मौसम पूर्वानुमान महाशाखाले जनाएको छ ।