अखबार नेपाल ट्रेन्डिङ

एजेन्सीः कोरोना भाइरसका कारण अहिलेसम्स १६ सय ९२ जनाको मृत्यु भएको छ । चीनमा मात्रै १६ सय ९० को ज्यान गएको छ । वुहानमा सोमबार १९ सय ३३ जनामा नयाँ संक्रमित देखिएको छ । अहिलेसम्म हुवेई प्रान्तमा मात्रै ५८ हजार १ सय ८२ जनामा संक्रमित भएको जनाएको छ । संक्रमित हुनेको संख्या बढ्दै गएपछि चीनको हुबे प्रान्तमा मानिसहरूको गतिविधिमा थप कडाइको घोषणा गरिएको छ ।

यसैबीच ४० जना अमेरिकी नागरिकमा कोरोना भाइरसको संक्रमण देखिएको छ । डाइमन्ड प्रिन्सेस क्रूज पानीजहाजबाट उद्धार गरिएका ४ सय अमेरिकी मध्ये ४० जनामा कोरोना भाइरसको संक्रमण देखिएको हो । कोरोनाको संक्रमण देखिएपछि उनिहरुलाई जापानमै राखेर उपचार सुरु भएको छ । बाँकी ३ सय ६० जना अमेरिकी भने स्वदेश फर्किरहेका छन । उनिहरुलाई दुई वटा चार्टर विमानमार्फत अमेरिका लगिएको जनाईएको छ ।

करिब ३ हजार ७ सय यात्री तथा चालक दलका सदस्यसहित डाइमन्ड प्रिन्सेस क्रूज पानीजहाजलाई फेब्रुअरी ३ तारिखदेखि जापानको योकोहामा बन्दरगाहमा क्वारन्टीनमा राखिएको थियो । उक्त पानीजहाजबाट हङ्‌कङमा ओर्लेका एक व्यक्ति नयाँ कोरोनाभाइरसबाट सङ्क्रमित भएको पाइएपछि पानीजहाजलाई क्वारन्टीनमा राखिएको थियो । यो क्रममा ४० जना अमेरिकीलाई कोरोना संक्रमण भएको हो । चीनबाहिर नयाँ कोरोनाभाइरसबाट सङ्क्रमित हुनेको यो सबैभन्दा ठूलो संख्या हो । यो सँगै पानी जहाजमा नयाँ कोरोनाभाइरसबाट सङ्क्रमित हुने व्यक्तिहरूको सङ्ख्या ३ सय ५५ पुगेको छ ।