अखबार नेपाल ट्रेन्डिङ

काठमाडौं: आज अन्तर्राष्ट्रिय बाल दिवस नेपालमा पनि विभिन्न चेतनामुलक कार्यक्रमको आयोजना गरि मनाइदैछ । सन् १९८९ नोभेम्बर २० मा संयुक्त राष्ट्र संघले बाल अधिकार सम्बन्धी महासन्धि पारित गरेको दिनको सम्झनामा आजको दिन अन्तर्राष्ट्रिय बाल अधिकार दिवस मनाइएको हो ।

नेपाल सहित विश्वका १ सय ९३ राष्ट्रहरुले यो महासन्धीलाई अनुमोदन गरिसकेका छन् । बालबालिकाहरुको आधारभुत आवश्यक्ताहरु पुरा गरी उनीहरुमा खुसियाली शान्ति र राहत उपलब्ध गराउने उद्देश्यले यो दिवस मनाउन शुरु गरिएको हो ।

अन्तर्राष्ट्रिय बाल दिवसको मुख्य उद्देश्य भनेकै बालबालिकाहरु माथि भईरहेको हिंसा र दुर्व्यवहारहरुको निराकरण गरी उनीहरुको व्यक्तित्व विकाश नरोकिने खालको सहज परिस्थितीको वातावरण सिर्जना गरिदिनु रहेको छ । दिवसको आज बालअधिकारको क्षेत्रमा काम गर्ने सरकारी तथा गैरसरकारी संघसंस्थाको अगुवाईमा देशभर बालअधिकारप्रति प्रतिवद्धता र जनचेतना बढाउने खालका कार्यक्रम हुँदैछन् ।