अखबार नेपाल ट्रेन्डिङ

काठमाडौं: नेपाल कम्युनिष्ठ पार्टीको सचिवालय बैठक आज बस्दैछ । आज बिहान ९ बजे बस्ने भनिएको बैठक आन्तरिक छलफलका कारण मध्यन्ह १२ बैठक सारिएको प्रधानमन्त्रीका प्रेस सल्लाहकार सूर्य थापाले जानकारी दिएका छन् ।

हिजो बेलुका बालुवाटारमा बसेको मन्त्रिपरिषद् बैठकमा पनि प्रधानमन्त्री केपी शर्मा ओलीले मन्त्रीहरू हेरफेर गर्न लागेको स्रोतले बताएको छ । हिजो बसेको सचिवालय बैठकमा प्रधानमन्त्रीले भोलि मन्त्रिपरिषद् पुनर्गठन गर्न लागेको छु, कोही दोहोरिनु होला, कोही जानुहोला, तर अन्यथा नलिनुहोला भन्नु भएको जनाइएको छ । आज अन्य सार्वजनिक कार्यक्रम नबनाउन र कतै नजान प्रधानमन्त्रीले मन्त्रीहरुलार्इ आग्रह समेत गर्नुभएको जनाइएको छ । तर अहिलेसम्म को-को हट्दै छन् को थपिँदै छन् भन्नेबारे भने खुल्न सकेको छैन । प्रधानमन्त्री ओलीले मन्त्रीबाट हट्ने र मन्त्री बन्नेको नामबारे बैठकमा कुनै जानकारी दिनुभएको छैन । कार्यसम्पादन मूल्यांकनका आधारमा हेरफेरको गृहकार्यमा रहेको जनाइएको छ ।