अखबार नेपाल ट्रेन्डिङ

काठमाडौं: क्रिकेटर सन्दीप लामिछाने बलात्कारको कसूरमा दोषी ठहर भएपछि ‘गौशाला २६’ पीडितको भन्दै तस्वीरहरु सार्वजनिक गर्ने एक जनालाई प्रहरीले पक्राउ गरेको छ ।

‘गौशाला २६’को तस्बिर सार्वजनिक गरेको अभियोगमा नाम, ठेगाना र तस्बिर फेसबुक र यूट्युबजस्ता सामाजिक सञ्जालमा सार्वजनिक गरी दुःख, हैरानी तथा मानसिक आघात पुर्‍याएकोले कारबाही गरी पाउँ भन्दै जबरजस्ती करणी पीडित ‘गौशाला २६’ले प्रहरीमा निवेदन दिएकी थिइन् ।

उक्त निवेदन माथिको प्रारम्भिक अनुसन्धान तथा प्राविधिक विश्लेषण गर्दै जाँदा उक्त कार्य गर्ने सङ्खुवासभाको चिचिला गाउँपालिका वडा नम्बर २ का ३२ वर्षीय केशरमान राई खुल्न आएकोले राईलाई सो अभियोगमा पक्राउ गरिएको प्रहरीले जनाएको छ ।

राईलाई विद्युतीय कारोबार ऐन २०६३, अपराध अन्तर्गतको कसुरमा हिजो सङ्खुवासभाबाट पक्राउ गरी उनीमाथि आवश्यक अनुसन्धान भइरहेको प्रहरीको भनाइ छ ।