अखबार नेपाल ट्रेन्डिङ

काभ्रे: बनेपा नगरपालिका-१३ अरनिको राजमार्गस्थित भैँसीपाटीमा मोटरसाइकल दुर्घटना हुँदा मोटरसाइकल चालकको मृत्यु भएको छ ।

बनेपा इलाका प्रहरी कार्यालयका प्रहरी नायब उपरीक्षक रेशम बोहराको अनुसार मृत्यु हुनेमा धुलिखेल -८ को २१ वर्षीय अभिषेक  न्यौपाने रहेको जानकारी दिए ।

डिएसपी बोहराले बनेपाबाट काठमाडौंतर्फ जाँदै गरेको बागमती प्रदेश ०२-०३४ प ११६७ नम्बरको  मोटरसाइकल अनियन्त्रित भई विपरित दिशाबाट आउँदै गरेको बागमती प्रदेश ०३-००१ ख १५८६ नम्बरको १० चक्के ट्रकमुनी छिर्दा गम्भीर घाइते भइ तत्काल उद्धार गरि धुलिखेल अस्पताल पुर्‍याएको थियो ।

गम्भीर घाइते न्यौपानेको उपचारको क्रममा बिहान ११:५५ मृत्यु भएको अस्पतालले जनाइएको छ । मोटरसाइकल दुर्घटना बिहान १०:३५ बजे भएको थियो । प्रहरीले नियन्त्रणमा लिएको ट्रक र चालकसँगै मोटरसाइकल भने बनेपा इलाका कार्यालयमा राखिएको छ ।