अखबार नेपाल ट्रेन्डिङ

काठमाडौं: करिव सात वर्षको लामो समयपछि सुनुवार महिला समाजको पाँचौं राष्ट्रिय महाधिवेशनबाट शोभा सुनुवारको अध्यक्षतामा नयाँ कार्यसमिति सर्वसम्मत निर्वाचित भएको छ ।

शनिबार सुनुवार सेवा समाजको केन्द्रीय भवन कोटेश्वरमा सम्पन्न पाँचौं राष्ट्रिय महाधिवेशनले शोभा सुनुवारको अध्यक्षतामा नयाँ कार्य समिति चयन गरेको हो ।

महाधिवेशनबाट उपाध्यक्षमा सिर्जना सुनुवार, सचिवमा सपना सुनुवार, कोषाध्यक्षमा कमला सुनुवार निर्वाचित भएका छन् भने सदस्यहरुमा पारु सुनुवार, सावित्री सुनुवार, रजिता सुनुवार, गंगा सुनुवार, देवकुमारी सुनुवार, सिमा सुनुवार र सुप्रिमा सुनुवार सर्वसम्मत निर्वाचित भएका छन् ।

लक्ष्मी सुनुवारको अध्यक्षतामा भएको पाँचौ महाधिवेशनमा कोषाध्यक्ष शारदा सुनुवारले आर्थिक प्रतिवेदन र सचिव शोभा सुनुवारले प्रगति प्रतिवेदन प्रस्तुत गरेका थिए ।

निर्वाचन समितिमा संयोजक समीर मुखिया सुनुवार, सदस्यहरुमा मनु सुनुवार तथा कोइँचबु काःतिच रहेका थिए । नव निर्वाचित कार्यसमितिलाई निवर्तमान अध्यक्ष लक्ष्मी सुनुवारले बधाई सहित नव निर्वाचित कार्यसमितिलाई सपथ ग्रहण गराएका थिए ।