अखबार नेपाल ट्रेन्डिङ

काठमाडौँ : जनता समाजवादी पार्टी(जसपा)का संघीय परिषद अध्यक्ष डा. बाबुराम भट्टराईलाई राष्ट्रिय अध्यक्ष उपेन्द्र यादबले कारबाही गर्ने भएको छ ।

लामो समयदेखि पानी बराबरको सम्बन्ध भएका उनीहरुबीच बीचमा बोलचाल समेत बन्द भएको थियो ।

पार्टीभित्र आफ्नो प्रभुत्व जमाउन खोजेता पनि डा. भट्टराईले खासै सफलता हासिल गर्न सकेका थिएनन् । उनले पार्टी बिभाजनका लागि प्रधानमन्त्री शेरबहादुर देउवालाई सहमयोग गर्न आग्रह गरेपनि आवश्यक संख्या पुर्याउन नसकेपछि चुपचाप बस्नुपरेको थियो ।

यसैबीच अहिले यादबपक्षको हिजो बैडक बसेको छ । नेकपा एकीकृत समाजवादीको मन्त्री फेरबदल भएपछि जसपाले पनि मन्त्री फेर्न चाहेको छ । त्यसैको लागि हिजो यादवले प्रधानमन्त्री देउवालाई भेटेका थिए । प्रधानमन्त्रीले पार्टीबाट आवश्यक निर्णय गरेर आउनु भनेपछि हिजो आकश्मिक कार्यकारिणी बैठक बसेको थियो ।

यादव पक्षले भट्टराई पक्षलाई नबोलाई आफ्नो पक्षलाई मात्र बैठकमा सहभागी गराएका थिए । जसपाको कार्यकारिणी उक्तm समितिको बैठकबाट मन्त्री हेरफेर गर्ने तथा छनौट गर्ने जिम्मेवारी अध्यक्ष उपेन्द्र यादवलाई दिइएको छ ।

यसका साथै डा. भट्टराई लगायतलाई कारबाही गर्ने अधिकार पनि अध्यक्ष यादवलाई दिइएको बताईएको छ ।