अखबार नेपाल ट्रेन्डिङ

काठमाडौं: नेपाल आदिवासी जनजाति महासंघको नयाँ आएपछि आफ्नो भावी कार्ययोजना बाहिर ल्याएको छ ।

महासंघले आज पत्रकार सम्मलेन गर्दै बुँदागत रूपमा १४ भावी कार्य योजना सार्वजनिक गरेको हो ।

महासंघको १०औँ राष्ट्रिय महाधिवेशनबाट निर्वाचित  वरिष्ठ उपाध्यक्ष बुद्ध घर्तीले आदिवासी जनजातिको उत्थान, सशक्तीकरण तथा आफ्नो मौलिक भाषा, धर्म, संस्कार संस्कृतिको संरक्षण र प्रवर्द्धनका लागि विशेष कार्ययोजना लगायत अन्य भावी कार्य योजना घोषणा गरे ।

महासंघले चितवनको माडी नगरपालिका-९ कुसुमखोलामा बस्दै आएका चेपाङ समुदायको बस्तीमा चितवन राष्ट्रिय निकुञ्जले घर जलाएको भन्दै क्षतिपूर्तिसहित उनीहरुलाई तत्काल राज्यले घरबासको व्यवस्था मिलाउनुपर्ने माग गरेको छ ।

गत चैत्र ९ र १० गते नवलपुरको कावासोतीमा सम्पन्न महाधिवेशनले गेल्जे लामा शेर्पाको नेतृत्वमा २१ सदस्यीय संघीय परिषद् सचिवालय निर्वाचित गरेको छ ।

अध्यक्ष शेर्पाले यी घोषणा गरिएको भावी कार्य योजना पारदर्शीका साथ कार्यन्वयन गर्ने प्रतिबद्धता व्यक्त गरे ।