अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओलीको निर्देशनपछि आफ्न घर हिँडेका पैदलयात्रीलाई बस चढाएर घर पठाउन थालिएको छ । धादिङ र चितवनाका सडकमा अलपत्र यात्रुलाई ट्रकमा हालेर गन्तब्यतर्फ पठाइएको थियो ।

यसैगरी शनिबार बेलुका काठमाडौंको थानकोटमा अलपत्र पैदलयात्रीलाई बस चढाएर उनीहरुका गाउँतर्फ पठाइएको छ । ओलीको निर्देशनपछि थानकोटस्थित त्रिभुवन पार्कमा राखिएका पैदल यात्रुलाई बस चढाएर शनिबार साँझ उनीहरुका घरतर्फ पठाइएको महानरीय प्रहरी बृत्त थानकोटका डिएसपी घनश्याम श्रेष्ठले जानकारी दिएका छन् ।

तीनसय भन्दा बढी यात्रुलाई बस चढाएर उनीहरुको गृहजिल्ला पठाइएको डिएसपीम श्रेष्ठले जानकारी दिए । उनका अनुसार जाजरकोट, बैतडी, बाँके, बर्दिया, सल्यान, रुपन्देही, चितवन, पाल्पाका यात्रुलाई घर पठाइएको हो । त्यसैगरी पूर्वतर्फका महोत्तरी, सर्लाही, बारा, पर्सा र मकवानपुरसम्मका यात्रुलाई गन्तव्यतर्फ पठाइएको छ ।