अखबार नेपाल ट्रेन्डिङ

एजेन्सीः आर्सनल एफए कपको क्वार्टर फाइनलमा प्रवेश गरेको छ । आईतबार राति पाँचौ चरणको खेलमा पोर्ट्समाउथलाई २-० गोल अन्तरले पराजित गर्दै आर्सनलले अन्तिम ८ मा स्थान बनाएको हो ।

पोर्ट्समाउथको मैदानमा भएको खेलमा ७३ प्रतिशत बल पोसेसन बनाएको आर्सनलका लागि सोक्रिटस पापास्थाथोपाउलस र इडी एनकेतियाले एक एक गोल गरे । पहिलो हाफको इन्ज्युरी समयमा पापास्थाथोपाउलसले रेइस नेल्सनको पासलाई उत्कृष्ट भली प्रहार गर्दै आर्सनललाई अग्रता दिलाए । पोर्ट्समाउथविरुद्धको खेलमा आर्सनलले ६ जना २० वर्षभन्दा मुनीका खेलाडी उतारेका थिए ।

५१औं मिनेटमा एनकेतियाले गोल गर्दै आर्सललाई २-० को अग्रता दिलाए । खेलमा पोर्ट्समाउथले एउटामात्र प्रहार टार्गेटमा हानेको थियो, जसलाई आर्सनलका गोलकिपरले बचाएका थिए । दोस्रो हाफमा आर्सनलले राम्रो खेल प्रर्दशन गरेको थियो । घरेलु मैदानमा पछिल्लो १९ खेलमा अपराजित टिमलाई हराएका थिए । पोर्ट्समाउथको पछिल्लो १० खेलको अपराजित यात्रामा समेत पुर्णविराम लागेको छ ।