अखबार नेपाल ट्रेन्डिङ

काठमाडौं: १३औं दक्षिण एसियाली खेलकुद (साग) अन्तर्गत महिला भलिबलको उपाधिका लागि नेपालले आज भारतसँग खेल्दैछ ।

त्रिपुरेश्वरस्थित राखेप कभर्डहलमा महिलातर्फको स्वर्णका लागि नेपालले भारतसँग अपरान्ह ४ बजेपछि खेल्नेछ । भारतविरुद्ध कोर्ट उत्रदा नेपाल ऐतिहासिक स्वर्णको लक्ष्यमा हुनेछ । नेपाल सागको भलिबलमा पहिलो स्वर्णको खोजीमा रहेको छ । तर, नेपालले बलियो प्रतिद्वन्दी भारतको चुनौती समाप्त गर्नु पर्ने हुन्छ । नेपाली टिमका मुख्य प्रशिक्षक जगदीश भट्ट जसरि पनि स्वर्ण ल्याउने पक्षमा रहेका छन् ।

श्रीलंकासँग नजितेको भए कास्यका लागि खेल्नुपथ्र्यो । समूह चरणको खेलमा नेपाल भारतसँग ३-० को सोझो सेटमा पराजित भएको थियो । त्यसैले नेपाललाई फाइनलमा थप दबाब हुनेछ । पुरुषतर्फको फाइनलमा भने पाकिस्तानले भारतसँग खेल्नेछ ।