अखबार नेपाल ट्रेन्डिङ

काठमाडौं: आसिसी क्रिकेट विश्वकप लिग-टु अन्तर्गत नेपालले युएई त्रिकोणात्मक सिरिजको सबै खेलमा पराजित भएको छ । आफ्नो अन्तिम खेलमा बुधबार नेपाली टोली ४ विकेटले पराजित भयो । नेपालले अमेरिका र युएईसँगका समान दुबै खेल गुमाएको हो ।

नेपाल युएईसँग पहिलो खेलमा ५ विकेटले पराजित भयो । त्यस्तै अमेरिकासँग नेपाल पहिलो खेलमा १०६ रन र दोस्रो खेलमा ४ विकेटले खेल पराजित भयो । बुधबार नेपालले दिएको २४० रनको लक्ष्य युएईले ५ बल अगावै ६ विकेटको क्षतिमा पूरा गर्यो ।

युएईका लागि मुहम्मद सहदादले सर्वाधिक ९६ रनको बनाए । मुहम्मदले १२३ बलमा ६ चौका र ३ छक्का प्रहार गरे । मुहम्मद वसिम ७६ रनमा सन्दीप लामिछानेको बलमा बोल्ड आउट भए । सोहेब खान २९ रन बनाउँदा ललित राजवंशीको बलमा एलबीडब्लु आउट भए ।  हर्षित कौशिक १३ रन बनाए । करणले ३, सन्दीप, ललिल र नन्दन यादवले समान १ विकेट लिए ।

आइसिसी एकेडेमी दुबईमा त्यसअघि टस जितेर युएईले नेपाललाई पहिले ब्याटिङको निम्तो दियो । नेपालले ५० ओभरमा ९ विकेट गुमाएर २३९ रन बनायो । नेपालले दोस्रो ओभरमा नै ओपनर कुशल भुर्तेललाई गुमायो । कुशल २ रनमा आउट हुँदा नेपालले ४ रन मात्र बनाएको थियो । पहिलो पावर प्लेमा नेपालले १ विकेट गुमाउँदा ४१ रन जोड्यो ।

आसिफ शेख र भीम सार्कीले दोस्रो विकेटको लागि ७४ रनको साझेदारी गरे । आसिफ ३४ रन जोडेर रन आउट भए । लगत्तै कप्तान रोहित पौडेल २ रनमा आउट भए । ३ विकेट गुमाउँदा नेपालले मात्र ८७ रन बनायो । कमजोर सुरुवात गरेको नेपालको इनिङ्स त्यसपछि कुनैपनि खेलाडीले ठुलो इनिङ्स‌ खेल्न सकेनन् । ठूलो साझेदारी पनि बन्न सकेन । भीम चौथो विकेटको रुपमा आउट भए । ६८ बल खेलेर ७ चौका सहित ४८ रनको पारी खेलेर धुर्व परासरको बलमा आउट भए ।

त्यसपछि दीपेन्द्र सिंह ऐरी ३७ रनमा र आरिफ शेख ३० रनमा आउट भए । ४२.५ ओभरमा १ सय ८७ रन बनाउँदा नेपालले ७ विकेट गुमाएको थियो । लगत्तै करण केसी सामना गरेको पहिलो बलमा रनको खाता नखोली र नन्दन यादव पनि १ रनमा आउट भए ।

सातौं क्रममा आएका कुशल मल्लले नेपालको इनिङ्सलाई सम्हाले । ५१ बल खेल्दै १ चौका र ३ छक्का प्रहार गर्दै ४५ रनको पारी खेले । सन्दीप लामिछाने  १५  र ललित राजवंशी ४ रनमा अविजित रहे । बलिङमा जुनेद सिद्दिकी, मोहम्मद जवादुल्लाह र धुर्व परासरले २/२ विकेट लिए ।