अखबार नेपाल ट्रेन्डिङ

काठमाडौं: नेपाल प्रिमियर लिग (एनपिएल) को ८ टोलीका मार्की खेलाडीको नाम घोषणा गरेको छ । नेपाल क्रिकेट संघ(क्यान) ले शुक्रवार रोहित कुमार पौडेल, दीपेन्द्र सिंह ऐरी, सन्दीप लामिछाने, सोमपाल कामी, करण केसी, आसिफ सेख, कुशल भुर्तेल र कुशल मल्ललाई ८ मार्की खेलाडीका रुपमा घोषणा गरेको हो ।

यद्यपी कुन खेलाडी कुन टोलीको मार्की खेलाडीका रुपमा रहन्छन् भन्ने बारेमा भने क्यानले केही खुलाएको छैन । पछिल्लो ३ वर्षको प्रर्दशनलाई ध्यानमा राख्दै ८ खेलाडीको नाम सार्वजनिक गरिएको क्यानका प्रवक्ता छुम्बी लामाले बताए । उनीहरू एनपीएलमा कुन टोलीमा रहन्छन् भन्ने बारेमा भने शनिबार मात्रै टुङ्गो लाग्नेछ । क्यानले शनिबार एक कार्यक्रम गर्दै फ्रेन्चाइज टोलीलाई आफ्नो मार्की खेलाडी रोज्न लगाउनेछ ।

पहिलो संस्करणको एनपिएल मंसिर १५ देखि पुस ६ सम्म आयोजना हुँदैछ । केही दिन अघि एनपिएलमा सहभागी रहने ८ फ्रेन्चाईजीलाई विभिन्न व्यापारीक घरानाहरुले आफ्नो स्वामित्वमा लिएका थिए ।