अखबार नेपाल ट्रेन्डिङ

एजेन्सी: इन्ग्लिश प्रिमियर लिग फुटबलमा आर्सनलले घरेलु मैदानमा बराबरी खेल्दै अंक बाडेको छ । शनिबार राति भएको खेलमा आर्सनलले साउथह्याम्पटनसँग २-२ गोलको बराबरी खेलेको हो । एलेक्जेन्डर लाकाजेट चम्किदा आर्सनल हारबाट जोगिएको हो ।

खेलको आठौं मिनेटमा डानी इन्ग्सले गोल गर्दै साउथह्याम्पटनलाई अग्रता दिलाए । १८ औं मिनेटमा लाकाजेटले गोल गर्दै आर्सनललाई खेलमा फर्काए । खेलको ७१ औं मिनेटमा जेम्स वार्डले गोल गर्दै साउथह्याम्पटनलाई २-१ को अग्रता दिलाए । तर, खेलको इन्जुरी समयमा लाकाजेटले व्यक्तिगत दोस्रो गोल गर्दै आर्सनललाई २-२ गोलको बराबरीमा फर्काए ।

यो बराबरीसँगै आर्सनलले १२ खेलबाट १७ अंक जोडेको छ । आर्सनल लिगको आठौं स्थानमा रहेको छ । ८ अंक जोडेको साउथह्याम्पटन पुछारमा रहेको छ । लिग अन्तर्गत लेष्टर सिटीले ब्राइटनलाई २-० ले हराएको छ । यस्तै नर्विचले एभर्टनलाई २-० ले पराजित गर्दा बर्नलीले वाट्फोर्डलाई ३-० ले हराएको छ । त्यस्तै वुल्भ्सले बर्नेमाउथलाई २-१ ले हराएको छ ।