अखबार नेपाल ट्रेन्डिङ

एजेन्सी: युरोकप २०२४ को छनोट अन्तर्गत इटालीले नर्थ म्यासेडोनियामाथि ५–२ को भारी गोल अन्तरले पराजित गर्दै सानदार जित छ । घरेलु मैदानमा शुक्रबार राति भएको खेलमा जति निकाल्दै इटालीले युरोकपमा छनोट हुने सम्भावना बलियो बनाएको छ ।

समूह ‘सी’ मा दोस्रो स्थानमा उक्लिएको इटालीको ७ खेलबाट १३ अंक पुगेको छ । समान खेलबाटै युक्रेनको पनि १३ अंक नै छ । अब यी दुई टोलीबीच सोमबार हुने समूह चरणको अन्तिम खेलबाट नै युरो कपमा पुग्ने टोलीको टुंगो लाग्नेछ । घरेलु टोली इटालीको जितमा फेडरिको चिइसाले दुई तथा, माटियो डरमिएन, जियाकोमो रस्पाडोरी र स्टेफन अल सरावेले समान एक गोल गरे । नर्थ म्यासेडोनियाका जानी एटानासोभले दुवै गोल गरेपनि जितको लागि पर्याप्त बनेन ।

युरोकप २०२४ को छनोटमा अपराजित रहेको इंग्ल्यान्ड सहित जर्मनी, अल्वानिया, अष्ट्रिया, बेल्जियम, डेनमार्क, फ्रान्स, हंगेरी, पोर्चुगल, स्कटल्यान्ड, स्लोभाकिया, स्पेन र टर्किए छनोट भईसकेका छन् ।