अखबार नेपाल ट्रेन्डिङ

एजेन्सी: स्पेनिस लालिगाको शीर्षस्थानमा रहेको रियल म्याड्रिड सेभियासँग बराबरीमा रोकिएको छ । सेभियाको घरेलु मैदान इस्टाडीयो सान्चेज पिजुआनमा गएराति भएको खेल १–१ गोलको बराबरीमा सकिएको हो ।

सेभियाको आत्मघाती गोलको रूपमा आएको थियो भने म्याड्रिडका लागि ड्यानी कार्भाजालले बराबरी गोल फर्काए । रियल म्याड्रिडको गोल खेलको चौथो मिनेटमा नै गोल गरेका थिए । फेडेरीको भालभर्डेले गोल गर्दै अग्रता दिलाएपनि त्यस मुभमा जुड बेलिङ्घम अफसाइड रहेका कारण भिडियो असिस्टेन्ट रेफ्रीले गोलको मान्यता दिएनन् ।

खेलको आठौं मिनेटमा भने बेलिङ्घमले बललाई जाली चुमाएका थिए । २८औं मिनेटमा म्याड्रिडका डिफेन्डर ड्यानी कार्भाजालले इभान राकिटिचको प्रहार गोल लाइनबाट क्लियर गरेका थिए । खेलको ७४औं मिनेटमा सेभियाले अग्रता लियो। मार्कोस अकुनाको क्रसमा डेभिड अलाबाले बललाई आफ्नै जाली भित्र हालेका थिए ।

तर त्यसको चार मिनेट पछि नै म्याड्रिडले गोल फर्कायो । टोनी क्रूसको फ्रीकिकमा कार्भाजालले हेडरमार्फत गोल गर्दै खेल बराबरीमा ल्याएका थिए। अन्त्यमा खेल बराबरीमा सकियो । बराबरी पछि म्याड्रिडको १० खेलमा २५ अंक भएको छ । दोस्रो स्थानमा रहेको जिरोनाको नौं खेलमा २२ अंक छ । यस्तै नौं खेल नै खेलेको बार्सिलोनाको २१ अंक रहेको छ । बार्सिलोनाले आज राती एथलेटिक क्लब बिलबाओको सामना गर्नेछ ।

यसैगरी गएराती नै भएको अर्को खेलमा एन्टोइन ग्रिजमनको ह्याट्रिकमा एट्लेटिको मड्रिडले १० खेलाडीमा समेटिएको सेल्टा डि भिगोलाई ३–० ले पराजित गरेको छ । भिगोमा शनिबार राति भएको खेलको २५औं मिनेटमा नै घरेलु टोली १० खेलाडीमा समेटिन पुग्यो ।

खराव ट्याकलका कारण गोलरक्षक इभान भिलार सिधै रातो कार्ड खाँदै मैदानबाट बाहिरिए । त्यसमै प्राप्त पेनाल्टीमा ग्रिजमन चुकेनन् र टोलीलाई पहिलो हाफमा १–० को अग्रता दिलाए । त्यसपछि ग्रिजमनले ६४औं र ७०औं मिनेटमा गोल गर्दै ह्याट्रिक पूरा गर्दै टोलीलाई सहज जित दिलाए ।

यस जितसँगै एट्लेटिको ९ खेलबाट २२ अंक जोडेर दोस्रो स्थानमा उक्लिएको छ । समान २२ अंक नै भएपनि जिरोना गोल अन्तरमा पछि छ । पराजित सेल्टा ६ अंकसहित १८औं स्थानमा छ ।